Thursday, November 17, 2011

mkutano wa Waandishi na Wadau wa Habari uliofanyika tarehe 08.10.2011, katika ukumbi waEACROTANAL Zanzibar, Mkutano huo uliandali na ZPC na UTPC

Waandishi wakiwa katika mkutano wa pamoja na wadau wa habari, mkutano ambao ulifanyika kawenye ukukmbu wa Eacrotanal Zanzibar

Katibu Mtendaji na Naibu Katibu wa ZPC wakiwa kwenye Mkutano wa wadau na waandishi wa habari
Waandishi na wahariri wa habari kutoka kwenye vombo mabali mbali wakifuatilia kwa makini mada ya Utawala bora kwenye vyombo vya habari kwenye mkutano uliowakutanisha waandishi na wadawa wa habari nchini

Waandishi na Wadau wahabari wakiwa wamesima pamoja katika kuwaombea dua ndugu na jamaa waliofariki kwenye ajali ya meli ya Mv Spice Islanders hivi karibu visiwani Zanzibar



Mkurugenzi wa Shirika la Utaangazaji la Zanzibar mwenye kipaza sauti akijibu maswali yaliyoulizwa na washiriki katika mkutano kati ya waandishi na wadau wahabari

Mjumbe kutoka kwenye jumuiya ya Zanzibar Youth Forum akichangia mada

Mtangazaji kutoka Chuchu Fm akichangia mada

Mtangazaji kutoka Bomba Fm akichangi mada

Katibu Mkuu wa PPC akichangia mada kwenye Mkutano wa wadau na waandishi wa habari



Mjumbe kutoka AIDNET Zanzibar akichangia mada

Mwakilishi kutoka katika Idara ya Ustawi wa Jamii akichangia mada


Mjumbe kutoka chama cha AFP akichangia madaMwandishi wa The Gurdian akichangia mada


Mwasilishaji mada, ambaye pia ni mshauri katika masuala ya habari

Mwenyekiti wa ZPC akifungua mkutano wa Wadau na Waandishi wa Habari, mkutano ambao uliendesha na kusimamiwa na ZPC na UTPC.Picha zote ma Haroub Hussein Khamis wa Zanzibar Press Club

Monday, November 14, 2011

Balozi Seif akiwa na wageni waliomtembelea afisini kwake




MAKAMU WA PILI WA RAIS WA ZANZIBAR BALOZI SEIF ALI IDDI AKISALIMIANA NA MJUMBE WA KAMATI YA SIASA NA KAMATI KUU YA CHAMA CHA KIKOMINISTI CHA CHINA CCP BW, LIU YUNSHAN ANAEONGOZA UJUMBE WA WATU 21 WALIOFIKA OFISINI KWA BALOZI SEIF ILIOPO MTAA WA VUGA MJINI ZANZIBAR BW LIU YUNSHAN AKISISITIZA JAMBO WAKATI WA MKUTANO WAKE NA MAKAMU WA PILI WA RAIS WA ZANZIBAR BALOZI SEIF ALI IDDI KATIKA MKUTANO HUO BALOZI SEIF AMESEMA KUWA JAMHURI YA WATU WA CHINA ITAENDELEA KUWA KIUNGO MUHIMU KATIKA HARAKATI ZA KUSAIDIA UCHUMI NA MAENDELEO YA TANZANIA
MAKAMU WA PILI WA RAIS WA ZANZIBAR BALOZI SEIF ALI IDDI AKISALIMIANA NA KATIBU MKUU WA MIKUTANO YA KIMATAIFA YA UKANDA WA MAZIWA MAKUU BALOZI LIBERETE MULAMULA ALIYEIKA OFISINI KWAKE VUGA MJINI ZANZIBAR


Sunday, November 6, 2011

100% yafunika Nungwi

Sherehe za maridhiano na umoja wa kitaifa zilizoandaliwa na taasisi ya Swahili Center zinaendelea kwa kasi ambapo kwa Ijumaa iliyopita, vikundi vya Nyota ya Umoja (Maigizo,Nungwi) na Mkota Ngoma (Mkoani, Pemba) vilirindima katika kijiji cha Nungwi, Unguja.
Katika onesho hilo ambalo lilifanyika katika Uwanja wa Skuli ya Nungwi, Wilaya ya Kaskazini A, Mkoa wa Kaskazini Unguja, wapenzi wa fani za sanaa za maonesho kutoka sehemu mbali mabli waliliminika na kujimwaga katika burudani hizo zilizoanza saa 10 alasiri.
Kundi la Maigizo la Nyota ya Umoja, maarufu kwa michezo yao kama vile ‘Dhulma Kafara’ na ‘Masikini naye Mtu’, walitoa burudani safi kupitia mchezo wa ‘Mchelea Mwana Kulia’ uliobeba maudhui ya umuhimu wa ushirikiano wa kuyalinda maadili ya KiZanzibari ndani ya jamii.
Nalo kundi la Mkota Ngoma kutoka Mkoani, walikonga nyoyo za wapenzi wa Ngoma na asili kwa kupiga ngoma zao za Msembwe, Unjunguu na Kumbwaya. Wengi waliohudhiria shehere hizo walivutiwa sana na umahiri wa kundi hilo katika kuzicheza Ngoma hizo.
Katika kuutambulisha mradi huo kwa waliohudhuria onesho hilo, Mkurugenzi Mtendaji wa Swahili Center Bw. Kheri Abdalla Yussuf, aliwajulisha wapenzi hao wa sanaa za utamaduni kuwa dhamira ya mradi huo ni kuimarisha misingi ya umoja wa kitaifa nchini Zanzibar kupitia sanaa za utamaduni zenye burudani na mafunzo kwa jamii yote.
Wakati huo huo, aliyekuwa mgeni rasmi katika onesho hilo, Mhe. Bi Riziki Juma Simai (Mkuu wa Wilaya ya Kasakazi A) aliwataka wananchi wa Nungwi na wote waliohudhuria kuimarisha misingi ya umoja wa kitaifa kwa vitendo.
Mradi wa 100% Zanzibari (tafsiri; Mzanzibari asilimia mia moja) umekuwa ukifanya maonesho katika Mikoa ya Unguja na Pemba kufuatia kambi za kisanii zinazoshirikisha fani za Taarab, Ngoma za Utamaduni na michezo ya Kuigiza. Shangwe hizo zimekuwa zikifanyika kwa awamu katika sehemu mbali mbali ambapo kwa kipindi cha Nov 15-19 zitahamia katika Mkoa wa Mjini Maghribi.
Swahili Performing Arts Center (Kituo cha Sanaa za Maonesho cha Waswahili) ni taasisi ya iliyoanzishwa kwa dhamira ya kuchangia katika maendeleo ya sanaa za maonesho asilia za Zanzibar pamoja na zile za mwambao wa Waswahili kupitia uwezeshaji (wasanii), uzalishaji wa kazi za sanaa, maonesho na ushirikishaji jamii. Dira ya Swahili Center ni kuurejeshea hadhi utambulisho wa utamaduni wa Kiswahili.
Mradi wa 100% Zanzibari umedhaminiwa na Ubalozi wa Norway pamoja na kampuni ya mawasiliano ya Zantel.
Kheiri A.Y. Jumbe
Kaimu Mkurugenzi Mtendaji

Robert Shumake akubali ombi la Balozi Seif Ali Iddi

Mamlaka ya Mitaji na Mendeleo ya Jamii ya wa Michigan Nchini Marekani imekubali kuisaidia Zanzibar katika masuala ya Elimu, Afya na Mazingira.
Mkurugenzi Mkuu wa Mamlaka hiyo Bwana Robert Shumake ametoa kauli hiyo wakati wa mazungumao yake na makamu wa Pili wa Rais wa Zanzibar Balozi Seif Ali Iddi mwishoni mwa ziara yake Nchini Marekani.
Bw. Shumake ambaye tayari ameshakutana na Uongozi wa Benki ya Watu wa Zanzibar PBZ ambao umenambatana na Balozi Seif katika ziata hiyo mamlaka hiyo inajitayarisha kuongeza misaada yake kwa Tanzania ikiwemo Zanzibar.
“ Tumeshatoa misaada ya vifaa vya elimu kwa Nchi za Bara la Afrika ikiwemo Ethiopia na Tanzania katika skuli za Mkoa wa Kilimanjaro” Alisema Bwana Shumake.
Alisisitiza kuwa Mamlaka yake imekuwa ikitoa fursa za kudhamini masomo ya elimu ya juu kwa wanafunzi wa Afrika wenye mazingira magumu.
Bwana Shumake alisema utafiti uliofanywa na Mamlaka yake umegundua watoto wengi wa Bara la afrika wanashindwa kuendelea na Masomo ya juu kutokana na kukabilkiwa na umaskini uliokithiri.
Alimueleza Balozi Seif kwamba bado wanaangalia uwezekano wa kutoa huduma katika sekta za Kilimo ikilenga zaidi vijana ambao kundi kubwa linakosa ajira na kujikimu kimaisha.
Naye Makamu wa Pili wa Rais wa Zanzibar Balozi Seif ameipongeza Mamlaka hiyo kwa uwamuzi wake wa kusaidia huduma za kijamii.
Balozi Seif alisema Familia nyingi hasa za kiafrika zimekuwa zinakosa huduma za kijamii na kukumbwa na maradhi. Balozi Seif na Ujumbe wake unaondoka Marekani na unatarajiwa kuwasili nchini jioni ya Jumatatu ya tarehe 8/11/2011.
Othman Khamis Ame
Ofisi ya Makamu wa Pili wa Rais wa Zanziba

Zanzibar yashauriwa kuwatumia vyema waatalamu wake

Zanzibar imeshauriwa kuangalia njia za kuwatumia vyema Wataalamu Wazawa walioko nje ya Nchi ili kuharakisha kasi ya Maendeleo ya Jamii .
Ushauri huo umetolewa na Kiongozi wa Wazanzibari waliopo Nchini Marekani ambao wako katika hatua za mwisho kuandaa Jumuiya itakayoitwa Zanzibar Diascora Organization Dr. Omar Haji Ali wakati akizungumza na Makamu wa Pili wa Rais wa Zanzibar Balozo Seif Ali Iddi kwenye Hoteli ya Crown Plaza Mjini Washington DC. Nchini marekani.
Dr. Omara alimueleza Balozi Seif kwamba lengo la Jumuiya hiyo ni kuunganisha nguvu kati yao na Serikali ya Mapinduzi ya Zanzibar na kuona kwamba uwepo wao nje ya Zanzibar unaleta faida kwa Jamii yote. Alisema hivi sasa wanakamilisha taratibu za kuwaunganisha wenzao wa miji tofauti ili ifikapo Januari mwakani Jumuiya yao ianze kazi rasmi.
“ Tumefanya utafiti na kugundua Wapo Wazanzibari wengi wenye sifa na uwezo mkubwa kitaaluma ambao wanaweza kuitumia na kusaidia nyumbani ”. Alisema Dr. Omar.
Alisisitiza kwamba taratibu zinaandaliwa za akuwaunganisha Wazanzibari wengi walioko katika Jumuiya za Uingereza na Canada kwa ania ya kuwa na kiungo muhimu kati yao na Zanzibar hasa katika maeneo ya Uwekezaji na Uatafiti katika Sekta tafauti.
Alisema kuanzishwa kwa mawasiliano ya moja kwa moja yatatoa fursa kwa wenye nia ya kusaidia kupitia jumuiya hiyo. Akitoa shukrani zake Makamu wa Pili wa Rais wa Zanzibarf Balozi Seif Ali Iddi ameipongeza azma yan Jumuiya hiyo ya Zanzibar Diascora Organization na kuahidi kuipa Baraka.
Balozi Seif alisema Serikali inaunga mkono vikundi vya Diascora na kuvitaka kuwa karibu na Ofisi ya Ubalozi wa Tanzania.
“ Serikali ya SMZ tayari imeshaundan Idara inayosimamia Diascora kwa lengo la kuwaunganisha wazawa walioko nje ya Nchi. Hivyo tutahakikisha mnakuwa na mawasiliano ya karibu na Taasisi hii “ Alisema Balozi Seif Ali Iddi.
Othmana Khamis Ame
Ofisi ya Makamu wa Pili wa Rais wa Zanzibar

Friday, November 4, 2011

Balozi Seif Ali Iddi akizungumza na Wanajumuiya ya Afrika ya Mashariki waishio Marekani

Wana Jumuiya ya Afrika Mashariki wanaoishi Florida Nchini Marekani wameombwa kuendelea kushirikiana pamoja kwa lengo la kutatua matatizo wakati yanapotokea na kuwazunguuka.
Ombi hilo limetolewa na Makamu wa Pili wa Rais wa Zanzibar Balozi Seif Ali Iddi Mjini Tallahassee Jimbo la Florida Nchini Marekani baada ya kushiriki katika chakula cha pamoja na Wana Jumuiya hao.
Balozi Seif alisema matatizo mengi yanayowakabili wanaadamu yanashindwa kupatiwa ufumbuzi kutokana na kukosekana kwa ushirikiano wa pamoja.
“ Wana Jumuiya nyinyi ni vyema mkapendana na kushirikiana kwa vile mko mbali na familia zenu mnazozitegemea. ”. Alisema Balozi Seif Al Idi.
Amewataka kufuata Sheria na taratibu zilizowekwa Nchini humo ili kuepuka adhabu inayoweza kuwaletea balaa katika mfumo wa maisha yao ya kila siku.
Makamu wa Pili wa Rais wa Zanzibar Balozi Seif amewapongeza wana jumuiya hao wa Afrika Mashariki wanaoishi Florida Marekani kwa uwamuzi wao wa kuunda umoja wao unaosaidia kusukuma mbele maisha na Maendeleo yao.
Hata hivyo amewakumbusha hatma ya maisha yao ya baadaye ambayo inahitaji kufanyiwa maandalizi ya msingi.
Balozi Seif alisema haipendezi kuona mwana Jumuiya anafanya kazi ughaibuni lakini hatma ya maisha yake arudipo nyumbani inavunja moyo.
“ Inakua karaha unarudi ughaibuni na kutaka kuishi kwenye nyumba ya mjomba. Huko ni kujidhalilisha na kujimaliza kimaisha ”. Alitahadhaisha Balozi Seif Ali Iddi.
Umoja wa Wanajumiya ya Afrika Mashariki ulioanzishwa karibu miaka saba iliyopita Umejumuisha pia Wanachama kutoka Mataifa ya Carribean na Nigeria.
Othman Khamis Ame
Ofisi ya Makamu wa Pili wa Rais wa Zanzibar

Serikali ya Mapinduzi Zanzibar yassaini mkataba wa mashirikiano katia yake na chuo cha ufundi cha Florida

Serikali ya Mapinduzi ya Zanzibar imetiliana Saini Mkataba wa Mashirikiana kati yake na Chuo Kikuu cha Kilimo na Ufundi cha Florida { FAMUJ } Nchini marekani.
Mkataba huo una lengo la kubadilishana uzoefu na Utaalamu kati ya chuo hicho na chuo Kikuu cha Taifa cha Zanzibar { SUZAZ}.
Utiaji saini huo umefanyika katika Majengo ya Chuo hichocha Florida yaliyopo katika mji wa Tallahassee ambapo kwa upande wa Zanzibar umewakilishwa na Makamu wa Pili wa Rais wa Zanzibar Balozi Seif Ali Iddi na ule wa Florida umewakilishwa na Rais wa Chuo hicho cha
{ FAMU } Dr. James ammons.
Akizungumza katika hafla hiyo iliyoshuhudiwa pia na wanafunzi wa fani fofauti chuoni hapo Makamu wa Pili wa Rais wa Zanzibar Balozi Seif Ali Iddi ameshauri taaluma inayotolewa na chuo kikuu cha Florida iingie katika nchi changa ili kuleta mabadiliko ya kilimo na ufundi.
Balozi Seif alisema Mataifa mengi yanayoendelea hasa yale ya Bara la Afrika bado yanashindwa kukabiliana na changamoto zinayoyabaliki licha ya kwamba Mataifa hayo yanategemea Kilimo kwa asilimia zaidi ya 70%.
“ Florida University iwe kiungo cha kuunganisha Taaluma katika vyuo vikuu vya nchi changa kikiwemo kile cha suza ”. Alisema Balozi Seif.
Mapema Rais wa Chuo Kikuu cha Kilimo na Ufundi cha Florida
{ famu } Dr.James Ammons alisema Chuo hicho kinalenga kujenga nguvu ya Taaluma katika kuona kizazi cha sasa kinapata Elimu inayokwenda sambamba na mabadiliko ya kasi ya Sayansi na Teknolojia Duniani.
Dr. ammons alisema Chuo hicho kilichoanzishwa miaka 125 iliyopita kimefungua masomo ya Taaluma ya Madawa na Sheria yakianguliwa nay ale ya Kilimo na Ufundi.
Makamu wa Pili wa Rais wa Zanzibar Balozi Seif alipata fursa ya kukitembelea kitengo cha Ufundi cha Chuo hicho cha Florida
{ FAMU -FSU }.
Mkuu wa Kitengom hicho cha ufundi Dr. Regional Perry alimueleza Balozi Seif na ujumbe wake hatua waliyofikia chuoni hapo ya kifanya utafiti katika masuala ya Madawa na Wanaadamu.
Dr. Perry alisema wataalamu wa chuo hicho tayari wamefikia hatua ya kutengeneza Injini za vyombo vya moto.
Othman Khamis Ame
Ofisi ya Makamu wa Pili wa Rais wa Zanzibar

Balozi Amina Salum Ali akizungumza na Balozi Seif Ali Iddi

Mwakilishi wa Bara la Afrika katika Umoja wa Mataifa Balozi Amina Salim Ali amewataka Watanzania kulitumia vyema soko la Marekani katika kukuza uchumi wa Taifa.
Balozi Amina alitoa nasaha hizo wakati akizungumza na Makamu wa Pili wa Rais wa Zanzibar Balozi Seif Ali Iddi na Ujumbe wake ulipomtembelea Ofisini kwake Mjini Washington DC Nchini Marekani.
Amesema Marekani kupitia mashirika na makampuni kadhaa ya Nchi hiyo hivi sasa yameelekeza nguvu katika kuwekeza Vitega Uchumi kwenye Mataifa kadhaa Ulimwenguni.
“ Hakikisheni Watanzania mnachangamkia vyema fursa hizo ambazo wenzetu wa Nigeria, Ethiopia na hata Majirani zetu wa Kenya wanazitumia ”.Alisema Balozi Seif.
Balozi Amina ameziasa taasisi zinazosimamia uwekezaji kuwa makini na wawekezaji wanaoonyesha hamu ya kutaka kuwekeza.
Amesema si vyema kwa wawekezaji hao kuhangaishwa wakati wanapotaka kuwekeza vitega uchumi vyao Nchini.
Balozi Amina ameupongeza Ujumbe huo wa Zanzibar unaofanya ziara Nchini Marekani kwa hatua yake ya kuitangaza Zanzibar kwa wawekezaji wa Marekani kufungua milango ya uwekezaji Zanzibar.
Naye Makamu wa Pili wa Rais wa Zanzibar balozi Seif Ali Iddi alimshukuru Balozi Amina kwa kuwa kiungo muhimu cha mawasiliano kati ya Zanzibar na Wawekezaji wa Marekani.
Balozi Seif alisema Mwakilishi huyo wa Bara la Afrika katika Umoja wa Mataifa amechangia kuifanya ziara hiyo kuwa ya mafanikio kwa kiwango kikubwa.
Othman Khamis Ame
Ofisi ya Makamu wa Pili wa Rais wa Zanzibar

Utafiti wa mradi wa samaki Zanzibar na Marekani

Serikali ya Mapinduzi ya Zanzibar na Taasisi ya Ushirikano ya Jimbo la Houston,Texas Nchini Marekani zimefikia hatua ya kukubaliana kufanya utafiti wa pamoja utakaopelekea kuanzishwa kwa Mradi mkubwa wa Samaki Zanzibar.
Hatua hiyo ya makubaliano imekuja kufuatia Kikao cha pamoja kati ya Ujumbe wa Zanzibar ulioko Nchini Marekani Kujitanga kwa wawekezaji wa Nchi hiyo ukiongoza na Makamu wa Pili wa Rais wa Zanzibar Balozi Seif Ali Iddi na ule wa Taasisi inayoratibu Miradi mikubwa ya Samaki Nchini Marekani ya { GRI } ikiongozwa na Rais wa soko la Kimataifa la Taasisi hiyo Bwana Tomas Newland.
Mazungumzo hayo yamefanyika hapo katika Afisi za Taasisi hiyo kwenye Jimbo la Houston, Texas Nchini Marekani.
Bwana Tomas Newland aliueleza ujumbe huo wa Zanzibar kwamba mradi huo mkubwa una uwezo wa kutoa ajira kwa Wananchi zaidi ya thalathini elfu.
Alisema miradi kama hiyo ambayo tayari imeshaanzishwa katika baadhi ya Mtaifa ya Afrika,Asia, Marekani na Ulaya inazingatia zaidi uhifadhi wa Mazingira pamoja na utoaji wa mafunzo kwa Wavuvi na Wakulima wa maeneo ya Vijijini.
“ Miradi kama hii ambayo hufadhiliwa na Taasisi za Uwekezaji Vitega Uchumi za OPIC na IFC hugharimu zaidi ya Dola za Kimarekani Milioni 20,000,000.
Kwa upande wake Makamu wa Pili wa Rais wa Zanzibar Balozi Seif Ali Iddi ameshauri kuharakishwa kwa mawasiliano ya pamoja kati ya wataalamu wa pande hizo mbili ili kuona wazo hilo la muelekeo wa kuanzishwa kwa mradi mkubwa wa Samaki linafanikiwa.
Balozi Seif alisema kuanzishwa kwa mradi huo mbali ya kuleta uhusiano wa karibu kati ya Zanzibar na Marekani lakini pia utaleta faraja kwa Wananchi walio wengi kujipatia ajira ya uhakika.
Mapema asubuhi Makamu wa Pili wa Rais wa Zanzibar Balozi Seif alikuwa na mazungumzo na Seneta wa Jimbo la Houston,Texas Bwana Rodey Ellis.
Katika mazungumzo yao Senata Rodney aliiponhgeza Zanzibar kwa juhudi zake za kharaisha Maendeleo ya Kiuchumi.
Seneta Rodney Ellis amemkabidhi Balozi Seif Ali Iddi na Ujumbe wake hati Maalum inayompa heshima ya kuwa mkaazi wa Jimbo la Houston, Texas.
Othman Khamis Ame
Ofisi ya Makamu wa Pili wa Rais wa Zanzibar

Zanzibar yashuriwa kulitumia vizuri soka la Afrika ya Mashariki

Zanzibar imeshauriwa kulitumia vyema soko la Jumuiya ya Kiuchumi ya Afrika Mashariki kwa lengo la kukuza uchumi wake na kuondokana na kutegemea zao moja la karafuu kama mhimili wa Taifa.
Ushauri huo umetolewa na Mkamu wa Rais wa Shirika la uwekezaji Vitega Uchumi la Kimataifa Nchini Marekani { OPIC } Bibi Mimi Alemahou wakati akizungumza na Makamu wa Pili wa Rais wa Zanzibar Balozi Seif Ali Iddi hapo Makao Makuu ya Shirika hilo Mjini Washington DC Nchini Marekani.
Bibi Mimi alimueleza Balozi Seif na ujumbe wake ulioko nchini Marekani kwa ziara ya Kikazi ya
kuitangaza Zanzibar kwa wekezaji kuwekeza Zanzibar kwamba Shirika hilo tayari limeshaandaa mpango wa kuwekeza ndani ya Jumuiya ya Afrika Mashariki likilenga kusaidia eneo hilo Kiuchumi.
Alisema mpango huo una nia pia ya kuijumuisha Sudan ambayo imekuwa ikikabiliwa na ukame wa mara kwa mara licha ya kwamba haimo ndani ya Jumuiya ya Afrika Mashariki { EAC }.
“ Tumelenga zaidi kuisaidia Sekta Binafsi kwa vile jamii kubwa hasa ndani ya Bara la Afrika imekuwa ikikabiliwa na Uchumi duni ”. Alisema Bibi Mimi Alemayehou.
Bibi Mimi alifahamisha kwamba huduma za Shirika hilo la OPIC mara kahaa huelekezwa katika kutoa huduma za Kijamii kwenye sekta Binafsi kupitia Makampuni ya Kimarekani Chini ya Shirika la Misaada la Marekani US aid.
Naye Makamu wa Pili wa Rais wa Zanzibar balozi Seif Ali Iddi ameuambia Uongozi wa Shirika hilo la Uwekezaji Vitega Uchumi la OPIC kwamba Zanzibar bado inaendelea kutegemea zao moja tu la Uchumi la akARAFUU.
Balozi Seif alisema Serikali ya Mapinduzi ya Zanzibar iko katika harakati za kuimarisha miundombinu ili kuyawezesha Makampuni ya Kigeni kupata fursa ya kuwekeza Zanzibar.
Alisema wawekezaji katika Sekta ya Utalii wana nafasi nzuri ya uwekezaji kwa vile miundo mbinu ya bara bara, maji na umeme iko katika hatua nzuri.
Hata hivyo Balozi Seif ameuomba Uongozi wa OPIC kuangalia uwezekano wa kuanzisha mradi wa pamoja wa umeme kwa kutumia Nishati ya jua au Bahari ili Zanzibar iwe tayari kukabiliana na upungufu wa huduma ya umeme hasa wakati kinapopungua kina cha maji huko Tanzania Bara.
“ Tumekuwa tukipokea huduma ya umeme kupitia Gridi ya Taifa huko Tanzania Bara, lakini wakati mwengine tunalazimika kupata umeme wa mgao kutokana na kupungua kwa kina cha maji. Hali hii huathiri utendaji kazi na kupunguza kasi ya Maendeleo ya Kiuchumi ”. Alisema Mkamu wa Pili wa Rais wa Zanzibar. Balozi Seif.
Othman Khamis Ame
Ofisi ya Mkamu wa Pili wa Rais wa Zanzibar

Thursday, November 3, 2011

Sanaa na wasanii

Mwambiji Amina wa Kikundi cha taarabu cha cluture





Friday, October 28, 2011

Balozi Seif aenda Marakani

TAARIFA KWA VYOMBO VYA HABARI
Makamu wa Pili wa Rais wa Zanzibar Balozi Seif Ali Iddi anaondoka Nchini leo kwa safari ya Kikazi ya siku kumi Nchini Marekani.
Balozi Seif aliyepata mualiko kutoka kwa shirika la uwekezaji vitega uchumi Afrika la Nchini Marekani anauongoza Ujumbe wa Viongozi Sita wa Kiserikali akiwemo Mkewe Mama Asha Suleiman Iddi.
Ziara ya Makamu wa Pili wa Rais wa Zanzibar Balozi Seif inalenga Zanzibar kujitangaza zaidi Nchini Marekani katika Uwekezaji kwenye maeneo yaliyomo ndani ya Sekta za Utalii, Biashara, Elimu, Kilimo, Afya, Miundo Mbinu pamoja na Mazingira.
Viongozi anaofuatana nao katika Ziara hiyo ni pamoja na Waziri wa Nchi Afisi ya Rais Fedha ,Uchumi na Mipango ya Maendeleo Mh. Omar Yussuf Mzee, Waziri wa Nchi Afisi ya Makamu wa Kwanza wa Rais wa Zanzibar Mh. Fatma Alhabib Fereji na Naibu Waziri wa Afya Dr. Sira Ubwa Mamboya.
Wengine ni Mwakilishi wa Jimbo la Magomeni Mh. Salmin Awadh Salmin, Katibu Mkuu Wizara ya Biashara, Viwanda na Masoko Nd. Julian Raphael, Mkurugenzi wa Taasisi ya Uwekezaji Vitega Uchumi Zanzibar { ZIPA } Nd. Salum Khamis Nassor wakiwemo pia baadhi ya Wafanya biashara.
Balozi Seif na Ujumbe wake ataanza Ziara yake kwa kukutana na Uongozi wa Taasisi ya Biashara na Maendeleo { USTDA } pamoja na Mwakilishi wa Taasisi ya Biashara na Vitega Uchumi inayosimamia Sera ya Biashara { USTR }.
Pia atakutana na Uongozi wa Shirika la Uwekezaji Vitega Uchumi { OPIG } linalofadhili Miradi ya Biashara ambapo siku inayofuata atakaguwa Bandari ya kwanza kwa upokeaji kwa wingi Bidhaa kutoka nje ya Maarekani ya Houston kwenye Ghuba ya Mexico pamoja na kukutana na Washirika wa masuala ya Biashara Mjini Houston.
Makamu wa Pili wa Rais wa Zanzibar Balozi Seif na Ujumbe wake ataendelea na ziara yake katika Mji wa Florida kwa kukitembelea Chuo Kikuu cha Kilimo na Ufundi cha Florida { FAMU }. Balozi Seif anatarajiwa kuondoka Washington Nchini Marekani Tarehe 6 Novemba 2011 na kurejea nyumbani akiuacha Ujumbe wake kuendelea na ziara ya siku tatu ya kukutana na Viongozi wa Taasisi mbali mbali za Uwekezaji Nchini humo ukiwemo Uongozi wa Benki Mashuhuri Duniani ya Exim Bank.
Othman Khamis Ame

Ofisi ya Makamu wa Pili wa Rais wa Zanzibar

Mafundi wa shirika la Umeme Zanzibar wakiwa katika matengezo ya taa za barabarani katika eneo la Mnazi Mmoja karibu na Bawaza la Wawakilishi wa Zamani



Thursday, October 27, 2011

Balozi wa Finland akutana na Balozi Seif Ali Iddi afisini kwake Vuga-Zanzibar

BALOZI WA FINLAND NCHINI TANZANIA BIBI SINIKKA ANTILA AKIZUNGUMZA NA MAKAMU WA PILI WA RAIS WA ZANZIBAR BALOZI SEIF ALI IDDI

Makamo wa Pili wa Rais Balozi Seif Ali Iddi apokea hundi ya shilingi milioni khamsini

MAKAMU WA PILI WA RAIS WA ZANZIBAR BALOZI SEIF ALI IDDI AKIPOKEA HUNDI YA SHILINGI 50,000,000/- KUTOKA KWA MKUU WA MKOA WA KILIMANJARO MH. LEONIDAS GAMA KUCHANGIA MFUKO WA MAAFA Z’BAR

Tuesday, September 27, 2011

Marehemu Abdulrahman Babu

Marehemu Babu alikuwa jemedari wa mapinduzi ya Zanzibar

Wednesday, September 21, 2011

Muktasari wa Sensei Rumadha Fundi ”Romi”(Sandan)



Rumadha Fundi, “Sensei Romi”Mvuto wangu katika sanaa ya Karate ulianza wakati nilikuwa mdogo mnamo miaka '70s pale Kariakoo,jiji Dar, lakini asili ya kwetu ni Tabora. Kwa bahati nzuri, jirani yetu pale mtaani(Aggrey/Congo) Dar-es-salaam ambako Sensei Bomani alikuwa anakuja kuwafuata baadhi ya wanafunzi wake enzi hizo. Hapo ndio ulikuwa mwanzo wangu wa kujua hasa kuhusu Goju Ryu Karate.
Mwaka '78 mwishoni nilipata fursa ya kutembelea “Hekalu la Kujilinda” Zanaki Dojo Kan Shibu, nakuongea na Senpai Magoma Nyamuko Sarya. Kipindi hicho Sensei Bomani alikuwa amekuja toka Marekani na kuja kuwafanyia mitihani wa daraja la “Nidan”kina Senpai Magoma Nyamuko Sarya (Mwafunzi kiongozi), Senpai Tola Sodoinde Malunga, Sensei Gamanya nk. Ndipo nilipoanza shughuli za mafunzo kama”Teenager class”lilijulikana kama (Bomani Brigade)
Baada ya mtiani wa mkanda wa kahawia '81, kiongozi wetu (Senpai Magoma) aliondoka kwenda India na Phillippines kusomea sanaa mbalimbali na Yoga , ndipo na mimi nikajiunga nae huko India na baadae kwenda Sweden mnamo mwaka wa '85 katika shule ya Yoga”Internation school of Intution Practice” au katika lugha ya Sanskrit ambayo ndio inatumiwa na Yoga hujulikana kama “Prakshimata - Ananda Nilayam” huko, Gullringen, Vimmerby, Sweden.
Hapo ndipo lipohitimu ualimu wa Yoga baada ya kozi ya miaka miwili na kurudi tena Calcutta, India kwa Master mkuu wa Yoga duniani na hatimae kupata ngazi ya juu katika mafunzo ya Yoga mnamo mwaka wa '90 “Avadhuta”.
Vile vile nilipata fursa ya kwenda Houston, Texas mwaka '88 na kuendelea na mafunzo ya Karate mtindo wa “Okinawa Goju Ryu” chini ya uongozi wa Master Sensei Morio Higaona mwenye Dan 10, kiongozi mkuu wa “International Okinawan Goju Ryu Karate -Do Federation” na kupata fursa ya kupata daraja la kwanza '89 toka kwa Master Higaona huko Tampico, Mexico chini ya uongozi wa Sensei Mario Falcone wa Mexico na Sensei Ramon Veras wa Houston, Texas. Hawa ni moja ya walimu walio nisaidia kwa dhati katika sanaa ya Karate. Ninapenda kutowa shukran nyingi kwa walimu wote ambao waliweza kunifundisha sanaa hii sehemu zote zile nilizoweza kushiriki katika fani hii kama vile, Master Morio Higaona, Master Teruo Chinen, Sensei kiongozi wa Okinawa Goju Ryu, in Okinawa, Sensei Matsuda, na Sensei Muramatsu.Hao wote ni viongozi wa ngazi za juu sana duania katika sanaa ya mtindo wa Goju.
Kwa sasa hivi nina daraja la tatu “Sandan”mkanda mweusi kwa muda mrefu sasa. Kumbu kumbu yangu kubwa ni kuwa na ushirikiano mwema na wanafunzi wengi wa zamani pale “Hekalu la Kujilinda” ambao sasa hivi bado wapo mbele katika kusaidia vijana kama Sensei Maulid Pambwe, Rashid Almas, Mohamed Murudker, Wilfred Melkia, Geofrey Sawayael “Shoo”, Mbezi, Metthew huko Mwanza, Ndaukile,Edgar Kaliboti huko Sidney Australia, Salum Kitwana Khamisi huko UK. Hata wale wote ambao nimewasahau popote pale duniani.
Pia, natoa shukran nyingi sana kwa mtu muhimu sana katika maisha yangu ya kisaa ya Karate na Yoga ambaye ulikuwa ndio mashine ya mafanikio yangu ngazi zote hizo, Senpai Magoma Nyamuko Sarya(Mahadev/Mrnal) popote pale alipo nasema,”Shkran”.
Mipango ya uendelezaji sanaa hii kwa miaka ya mbele huko Tanzania ni muhimu sana. Moja ya hiyo mipango ni siku moja kufungua chuo cha sanaa ya kujilinda na kutumia nyezo za Karate”Kobudo” Kama vile “Sai, Tonfa, Nunchaku,Bo, Shuri, “Three section Nunchaku” nk. Kwa ajili ya kufundisha Tanzania. Ingawa sio leo wala kesho, bali ni moja ya mipango ya mbele huko katika maisha nitaporudi Tanzania, nakuwashirikisha walimu wengine wenye uzoefu mwingi katika kutumia nyenzo hizo.

PRESS RELEASE

Uongozi wa Bodi ya Wakurugenzi wa Kampuni ya migodi Afrika { AFRICA BARICK GOLD } inakusudia kuandaa ampango wa kusaidia vifaa vya uokozi kwa vyombo vya usafiri wa baharini kwa lengo la kupunguza maafa wakati zinapotokea ajali baharini.
Mjumbe wa Bodi hiyo Balozi Bakari Mwapachu ametoa kauli hiyo wakati akiwasilisha salamu za rambi rambi kwa mweyekiti wa Kamati ya Taifa ya Maafa Zanzibar Balozi Seif Ali Iddi hapo Afisini kwake Vuga Mjini Zanzibar. Balozi bakari Mwapachu amesema utafiti unaonyesha kwamba vyombo vingi vya usafiri wa baharini haviwezi kutosheleza vifaa vya uokozi wakati vinapopatwa na ajali.
Amesem Uongozi wa Bodi hiyo utaandaa utaratibu wa kuzungumza na Taasisi na Mamlaka zinazosimamia usafiri wa baharini ili kuona mpango huo unaanza kutekelezwa ambapo utahusisha pia na vyombo vidogo vidogo vya uvuvi.
Balozi Mwapachu ameiomba Serikali ya Mapinduzi ya Zanzibar kujenga Hoja kwa Jumuiya ya Ushirikiano wa Kiuchumi ya Afrika Mashariki kwa kuishauri iangalie mazingira ya kujenga kituo cha Mawasiliano Hapa Zanzibar. Bodi hiyo imetowa mkono wa pole kwa Serikali ya Mapinduzi ya Zanzibar kwa kuchangia shilingi Milioni 60,000,000/-,
Taasisi nyengine zilizochangia mfuko wa maafa ni kampuni ya Elewana Afrika inayoendesha Biashara ya Hoteli Tanzania pamoja na Uongozi wa chama cha NCCR Mageuzi .
Mweyekiti wa Chama hicho Bwana James Fransis Mbatia amesema changamoto iliyopo ni watu wote wenye mapenzi na janga hili wanaongeza ushirikiano katika kusaidia kukamilisha kutatua tatizo hili.
Akipokea michango hiyo Mwenyekiti Kamati ya Taifa ya Maafa Zanzibar Balozi Seif ameendelea kuzisukuru Taasisi na jumuiya zilizojitolea kusaidia tatizo hili la maafa ya kuzama kwa meli Zanzibar.
Othman Khamis Ame
Ofisi ya Makamu wa Pili wa Rais wa Zanzibar

Wednesday, September 14, 2011

UN pays tribute to the victims of Zanzibar boat accident

The United Nations System in Tanzania observed a minute of silence on Monday this week in remembrance of the victims of the boat that capsized off the coast of Zanzibar on early morning Saturday, September10th.
At an emergency Town Hall meeting called for at the UN Compound, the United Nations Resident Coordinator Alberic Kacou told UN staff in Dar es Salaam that immediately after hearing news on the disaster, the UN provided assistance in the form of blankets, gloves, water and high-calorie biscuits for the survivors.
He also noted that all UN staff stationed in Zanzibar have been accounted for as being safe although some have lost family members and are highly traumatized by the tragedy.
“A UN counselor has been sent to Zanzibar to provide post traumatic counseling to our colleagues. She reports that the situation is very difficult,” Kacou said. The Resident Coordinator affirmed that the UN is working hand in hand with the government in dealing with the situation.
On his part, the UN Secretary-General Ban Ki- Moon has sent condolences to the Government and people of the United Republic of Tanzania and Zanzibar and the families of the victims.
The Secretary-General said he is “profoundly saddened by the tragic loss of life” and “wishes a speedy recovery to the people who survived the accident.”
“The United Nations stands together with the people of Tanzania at this tragic moment,” said the UN Secretary General.
The sunken boat christened MV Spice Islander was heading to the island of Pemba from Zanzibar when it capsized in the wee hours of Saturday morning near Nungwi Village. Many lives have been lost. Following the incident the Government announced three days of mourning during which the national flag will be flown at half mast countrywide.
At the advisory services level, the activities consisted in:
-The UNDP assisted the department of Disaster Management (DMD) to organize and coordinate the response through the UNV placed in that office.
-The WHO team joined the team of the Ministry of Health Senior officials to provide advises on the organization of the emergency management at the main hospital.
-A UNICEF team assisted the Hospital for the “Prise en charge” of the children together with Save the Children.
-The UN stress advisor and counselor undertook collective debriefings and counseling with rescue teams to anticipate on eventual Post Traumatic Stress Disorder (PTSD) syndromes, specifically with teams having dealt with women, children and dead bodies management.
On the material support, the UN provided through different UN agencies respective contribution:
Logistics - shelter
.Tents and tarpaulins (200mx1) used on the three sites
General supply & Medical
• 52 boxes of biscuits (Nungwi & Mnazi Moja)
• 500 blankets (200 Unguja & 300 Pemba)
• 1680 Bottles of water for the rescue workers and survivors
• 50 boxes of IV fluids
• 100 boxes of Canula
• 200 rolls of plaster
• 200 rolls of Cotton wool
• 10 litres of Methylated Spirit

Hizb ut-tahriri rambi rambi rambi

HIZB UT-TAHRIR AFRIKA MASHARIKI YATOA RAMBI RAMBI KWA MSIBA WA KUZAMA KWA MELI.
Hizb ut-Tahrir Afrika Mashariki imepokea kwa huzuni na masikitiko makubwa taarifa ya kuzama kwa meli ya Spice Islander iliyotokea usiku wa kuamkia leo tarehe 10/09/2011 katika eneo la mkondo wa Nungwi baina ya kisiwa cha Pemba na Unguja, na tunaungana na walioathirika kuwafariji kwa msiba huu na kuwataka wawe na subra katika kipindi hiki kigumu.
Aidha, tunatangaza kwa ulimwengu wa kiislamu kwamba una wajibu kwa haraka kusaidia katika uokozi na kuzisaidia familia zilizopotelewa na ndugu ambao ni nguvu kazi ya familia hizo.
Ajali hii ni kielelezo wazi ziada cha kushindwa kwa Serikali ya Mapinduzi Zanzibar (SMZ) kutoa usafiri wa uhakika baina ya kisiwa cha Unguja na Pemba pia kushindwa kwa mamlaka zake
husika kusimamia vyema usalama wa abiria na uokozi.
Wakati Hizb ut-Tahrir Afrika Mashariki tukiwafariji kwa subra na ustahamilivu wote
walioathirika, pia tunatamka wazi kwamba ni dola ya kiislamu ya Khilafah pekee ndio yenye dhamira ya kweli na ya kimaumbile katika kulinda na kuokoa maisha ya watu.
Masoud Msellem
Naibu Mwakilishi kwa Vyombo vya Habari
Hizb ut-Tahrir Afrika Mashariki